കഥ നടക്കുന്നത് രണ്ടായിരത്തിഇരുപത്തിലാണ് സമുഹവും ജനജീവിതവും സാങ്കേതികമായി ഏറെ വികസിച്ചിരിക്കുന്നു . പൂച്ച പണ്ട് കേട്ട കഥ ഓര്‍ക്കുകയായിരുന്നു , ഒരു കുരങ്ങന് പൂച്ചയെ പറ്റിച്ച കഥ ! ആ കഥ ഇങ്ങനെ ആയിരുന്നു , ഒരിക്കല്‍ കുട്ടുകാരായ പൂച്ചയും കുരങ്ങനും കൃഷി ചെയ്യാന്‍ പുറപ്പെട്ടു .വാഴകൃഷിയാണ് അവര്‍ ആദ്യം ചെയ്തത് . കുരങ്ങന് പൂച്ചയോടു "കട വേണോ തല വേണോ ?" എന്നു ചോദിച്ചപ്പോള്‍ കട വേണം എന്നു പറഞ്ഞ മണ്ടന്‍ പൂച്ചയ്ക്ക് കിട്ടിയത് വാഴയുടെ കടയാണ് . അവര്‍ വീണ്ടും കൃഷി ചെയ്തു . അത് ചേനക്കൃഷിയായിരുന്നു . മണ്ടന്‍ പൂച്ച അപ്പോള്‍ തല വേണം എന്നാണ് പറഞത് . അങ്ങനെ മണ്ടന്‍ പൂച്ച പിന്നെയും പറ്റിക്കപ്പെട്ടു.
:ആ കഥയിലെ പൂച്ച , ഞങ്ങളുടെ വര്‍ഗത്തിനുമൊത്തം നാണക്കേടുണ്ടാക്കികൊണ്ടാണ് പോയത് . പരമവിഡ്ഢി " പഴയ കഥയില്‍ പൂച്ചയെ പറ്റിച്ച കുരങ്ങനെക്കുറിച്ചോര്‍ത്തു നമ്മുടെ പൂച്ചക്ക് ദേഷ്യമടക്കാന്‍ പറ്റുന്നില്ല . പെട്ടെന്ന് പൂച്ചയുടെ മുന്നിലേക്ക് ഒരാള്‍ വന്നു . " ഹായ് , ഞാന്‍ മിസ്റ്റര്‍ മങ്കു, പുതിയ കാലകൃഷി രീതികള്‍ ഉപയോഗിച്ച് കൃഷി നടത്തി ലാഭം കൊയ്യണം . അതിനു എനിക്കൊരു പാര്‍ട്ട്‌ന്റെ വേണം നമുക്കൊരു കുട്ടുകൃഷി നടത്താമല്ലോ ?" കുരങ്ങന് മങ്കു പറഞ്ഞു .
കുരങ്ങന് പൂച്ചയെ പറ്റിച്ച കഥ ഇപ്പോള്‍ ഓര്‍ത്തതേ ഉള്ളു . വീണ്ടും ആളെ വിഡ്ഢിയാക്കാനുള്ള വരവാണ് . അങ്ങനെ വിട്ടാല്‍ പറ്റില്ലല്ലോ ; എല്ലാ പൂച്ചകളും മണ്ട്ന്മാരെല്ലന്നു തെളിയിച്ചിട്ടു തന്നെ കാര്യം ." പൂച്ച രണ്ടും കല്‍പ്പിച്ചു പറഞ്ഞു ,"സമ്മതം ".അങ്ങനെ അവര്‍ രണ്ടുപേരും കൃഷി ചെയ്യാനായി പുറപ്പെട്ടു . കുരങ്ങന്‍റെ കയ്യില്‍ പലതരം വിത്തും ചെടികളും ഉണ്ടായിരുന്നു .
"വേനല്‍ സമയത്ത് , ഇപ്പോള്‍ കരിമ്പിനാണു മാര്‍ക്കറ്റ് .അതിനാല്‍ കരിമ്പുകൃഷി ചെയ്യാം ."കുരങ്ങന് മങ്കു അഭിപ്രായപ്പെട്ടു . എന്നാല്‍ അങ്ങനെയാകട്ടെ എന്നു പൂച്ചയും . പുതിയ കാലത്തെ പൂച്ചകള്‍ ബുദ്ധിമാന്മാരണെന്ന് കുരങ്ങനെ അറിയിക്കാന്‍ പൂച്ചയ്ക്ക് തിരക്കായി . കരിമ്പ്‌ പാകമാകും കാത്ത് പൂച്ച ദിവസങ്ങള്‍ തള്ളിനീക്കി .
നിനക്ക് കട വേണോ അതോ തല വേണോ ?"കുരങ്ങന് മങ്കു ചോദിച്ചു .
"എനിക്ക് തല മതി "പൂച്ച തറപ്പിച്ചു പറഞ്ഞു
.പൂച്ച തന്‍റെ അസാമാന്യയുക്തിയില്‍ അഭിമാനിച്ചു .
"എങ്കില്‍ ശരി"കുരങ്ങനും പൂച്ച കരിമ്പ്‌എല്ലാം മുറിച്ചെടുത്തു .
അങ്ങനെ കുരങ്ങന്‍റെ ഊഴമെത്തി . പൂച്ച കുരങ്ങന് വിഡ്ഢിയാകുന്നതു കാണാനായി കണ്ണ് മലര്‍ക്കെ തുറന്നു . കുരങ്ങന് കട ഭാഗത്തിനായി മണ്ണ് കുഴിച്ചു . നിറയെ സവാളയും ഉള്ളിയും ഉരുള്ളന്ക്കിഴങ്ങും മറ്റും കുരങ്ങന് ലഭിച്ചു .
"ഇതെന്തത്ഭുതം ?" പൂച്ച അന്തം വിട്ടു നിന്നു.
" എന്താ ചങ്ങാതി ഇങ്ങനെ തുറിച്ചു നോക്കുന്നത് ? ഞെട്ടേണ്ട! മറന്നു പോയോ ? ഞാന്‍ പുതിയ കാലത്തെ കൃഷിരീതികളാണ് ഉപയോഗിച്ചത് . വിവിധ തരം വിത്തുകള്‍ ഒരേ സമയം കൃഷി ചെയ്യാന്‍ പറ്റുന്ന പുതിയ സംയോജിത സാങ്കേതികകൃഷി വിദ്യ കരിമ്പിനൊപ്പം കിഴങ്ങു വര്‍ഗങ്ങളും ! എങ്ങനെയുണ്ട് ?
ഇപ്പോള്‍ ഇവയ്ക്കു വിലകയറ്റമാണല്ലോ?"
പൂച്ചയോട് കുരങ്ങന് ചോദിച്ചു .
പൂച്ചയ്ക്ക് ഒന്നും മിണ്ടാന്‍ കഴിഞ്ഞില്ല .
"എല്ലാ കുരങ്ങന്മാരും ചതിയന്മാരല്ല ചങ്ങാതി , പഴയ കഥ ഞാനും കേട്ടിട്ടുണ്ട് . തന്‍റെ ബാഗിലെ ഒരു പുസ്തകത്തില്‍ ആ കഥ ഞാന്‍ കണ്ടു . " കുരങ്ങന് മങ്കു കഥ തുടര്‍ന്നു ;
"താന്‍ എനിക്കിട്ട്‌ പണി തരാന്‍ നോക്കിയതാണെന്നറിയാം . പക്ഷെ എന്തു ചെയ്യാം ? കാലം മാറിയത് താനറിയാതെ പോയി ..."
പൂച്ച ലജ്ജയോടെ കുരങ്ങന് പറയുന്നതു കേട്ടു തല താഴ്ത്തി . അപ്പോഴും കുരങ്ങന്‍റെ തല ഉയര്‍ന്നു തന്നെയായിരുന്നു . ഒപ്പം ചുണ്ടില്‍ വിജയിയുടെ ഒരു ചിരിയും ഉണ്ടായിരുന്നു .........
